النهاردة كان كتب كتاب اختى
اى نعم الواحد كان فرحان موت انها هتتجوز وهتبقى سعيده
بس بينى وبينكم قد ما كنت فرحان قد ما كان الحزن والزعل مالينى
فاضل ايام واختى اللى بقالى 18 سنة بشوفها وبكلمها وبضحك معاها
خلااص من هنا ورايح هشوفها كل فين وفين
دا غير انى مفيش غيرها يعنى البيت هيفضى علينا
حاجة ممله اوى
دى كانت لما بتروح مشوار كان بيبقا البيت هووووس
شوفوا بقا لما هتتجوز خلااص ومش هيبقا ساعه ولاا وقت المشوار بس اللى هتغيبه
لا دا العمر كله
حاجة ممله اوى
والارخم بقا انى هى اللى كانت بتعمل كل حاجة فى اليبت
وكان الواحد بيترسم ويزعق لو هيشرب شوية ميه حتى
دلوقتى
مبقاش غير الحجه ربنا يديها طوله العمر
يعنى مش هينفع اقولها هاتى ومتجبيش
يعنى اقوم اخدم نفسك
احساس رخم جدااااااااااا عايشه وهفضل عايشه لما اتعود عليه
معلشي بقا دوشتوكو ونكدت عليكوا
بس اهو بنفضفض
يلاا سلاموز
ليست هناك تعليقات:
إرسال تعليق